Оваа мајка доживеа ноќна мора: Ја одведе ќерката на прошетка и се случи ужас!
Надзорните камери снимија шокантно видео во Санкт Петербург. Првиот дел од видеото ја прикажува мајката како шета во паркот со својата ќерка, а во следниот момент – кошмарот на сите родители. Девојчето за кое не може да се каже дека има повеќе од три години, паѓа во шахта!
На видеото се гледа како девојчето се шета на околу еден метар подалеку од мајката која турка количка. Потоа, детето застанува на металниот капак на шахтата што, на прв поглед, се чини дека е затворен. Следниот момент, капакот, кој не беше прицврстен, туку само ставен на отворот, се превртува и детето паѓа внатре. Нејзината мајка во паника се затрча, го фрли капакот на шахтата настрана, се фрли на земја и почна да ја извлекува својата ќерка. За среќа, дупката не беше длабока, па успеаја брзо да го извлече девојчето на површина. Детето се чинеше дека не е сериозно повредено.