Сакал да украде туѓ идентитет, но го издаде стилот!

Еден човек од Тенеси во САД се обиде да украде туѓ идентитет и да ги искористи украдените картички. Џулијан Р. Мичел (20) негува посебен стил, руса коса, црни веѓи, нашминкани очи и црвена брада и лесно се издвојува во толпата, а токму тоа „скапо го чинеше“.

Имено, кога во бар во Нешвил се обидел да го плати пијалокот со украдената картичка , вработените во продавницата побарале дополнителни документи за да се осигураат дека тој е сопственик на картичката со која се обидувал да плати. Веднаш било јасно дека тој не е на фотографијата од возачката дозвола што им ја приложил, а полицијата подоцна во неговата торба пронајде украден паричник. Тие го уапсија за кражба на идентитет и заврши во притвор од кој може да излезе само ако плати oштета од 25.000 долари, пишува Daily Mail.