Јапонскиот психолог и уметник Акиоши Китаока создаде оптичка илузија во која еден квадрат изгледа како да ја менува бојата иако таа всушност останува константна.
Оптичката илузија со боја открива како нашиот мозок е способен да го промени начинот на кој ги перципира боите.
Акијоши ја создаде оваа илузија за да покаже дека предметите што се движат можат да го измамат нашиот мозок да ја погоди бојата на објектот наместо да ја препознае неговата вистинска боја.
– Изгледа како овој подвижен квадрат да ја менува бојата, иако во реалноста бојата останува константна – напиша Акијоши.
A moving square appears to change in color, though the color is constant. pic.twitter.com/phzLNgfIZy
— Akiyoshi Kitaoka (@AkiyoshiKitaoka) August 14, 2018
И навистина, кога ќе ја погледнете снимката, можете да видите како квадратот ја менува бојата од сива во розова, но движењето на квадратот и целокупната боја го мамат нашиот мозок да помисли дека ова всушност се случува. Во реалноста, бојата на квадратот останува константна.
Оваа илузија функционира затоа што мозокот ги користи боите околу него за да ја процени бојата на предметот што се движи. Нашиот мозок филтрира работи како бојата на светлината без ние да го знаеме тоа. Потоа, прави проценка на бојата врз основа на резултатите од ова филтрирање.