Таа се појави во гламурозна тоалета.
Џорџ и Амал Клуни беа домаќини на петтото издание на наградите „Албис“ во Лондон во петок, 9 октомври, кои нивната фондација ги основа за да им оддаде признание на поединци кои се борат за правда низ целиот свет.
Славниот пар привлече внимание на црвениот тепих на церемонијата одржана во Природонаучниот музеј, а Амал се истакна во луксузен златен фустан, пишува People.
Амал (48) се појави во гламурозен фустан од модната куќа Гучи. Креацијата со отворени рамена, со горен дел од корсет, беше покриена со светкави декорации кои постепено се менуваа од сребрени тонови на горниот дел до металик златни на здолништето. Посебен детаљ беа долгите монистрасти реси што се протегаа по фустанот.
Таа ја држеше долгата кафеава коса соборена и собрана лабави локни, а се одлучи и за суптилна шминка. Изгледот го надополни со мала бела чанта и впечатливи златни обетки.
Џорџ (65) се одлучи за класична елеганција. Тој позираше покрај сопругата во црн смокинг со вратоврска-мајчка, а неговиот препознатлив изглед го надополнуваа седа коса и кратка брада.
Награди посветени на борците за правда
Годишната церемонија, организирана од Фондацијата Клуни за правда, им оддава признание на храбри поединци кои ги посветиле своите животи на борба за правда, честопати ставајќи ја сопствената безбедност во голем ризик.
Џорџ и Амал ги лансираа наградите за да ги истакнат, поддржат и заштитат луѓето кои неуморно се борат за правда. Наградите се именувани по судијата Алби Сакс, истакнат активист против апартхејдот кој издржал тешкотии за време на борбата за еднаквост во Јужна Африка.
„Овогодинешните добитници на наградата Алби се показатели за вредностите врз кои се темели нашата фондација. Со овие признанија сакаме да им испратиме порака, и на сите оние што се борат за правда низ целиот свет, дека нивната работа не останала незабележана и дека не се сами“, се вели во заедничка изјава на Клуни.
Џорџ и Амал претходно зборуваа за меѓусебната поддршка.
На доделувањето на наградите во 2024 година, ноќта пред нивната десетта годишнина од бракот, Џорџ разговараше со „Пипл“ за тоа колку му значи да ја поддржува својата сопруга во нејзината работа.
„Би поддржал сè во што е вклучена мојата сопруга. Таа секогаш е на вистинската страна од историјата и секогаш сум горд што можам да застанам покрај неа, без оглед на околностите. Ова е настан каде што можеме да го фокусираме целото внимание на луѓето кои инаку не добиваат доволно од тоа“, рече тој во тоа време.
Амал, исто така, нагласи колку многу ѝ значи поддршката од нејзиниот сопруг.
„Тој е извонреден борец за правда. Многу ми значи што можеме да работиме заедно на ова и што тоа ми помага да ги претставам приказните на луѓето за кои зборуваме вечерва“, рече таа.