Кинеското вселенско летало „Change 4“ успешно слета на темната страна на Месечината и ова е првото меко атерирање на далечната страна од природниот сателит на Земјата досега, објави кинеската телевизија. „Change“ е модул што се состои од стационарна лунарна станица и лунарен ровер, а лансиран е на 8-ми декември од космодромот во југозападната кинеска провинција Сечуан, објави АП.
За време на престојот на Месечината, роверот ќе ја испитува структурата и минералниот состав на почвата.
Темната страна на Месечината никогаш не е видлива од Земјата. Првпат беше снимена од советската станица „Luna 3“ во 1959. година, но до сега ниту едно вселенско летало не слета на неа.