Бебето го држеше само за нозе, а потоа го фрли во воздух! Сите внимателно следеа с ѐ, а потоа родителите беа уапсени

Двојката е сега под истрага за наводно злоупотребување на девојче на возраст од 4 месеци.

Двајца руски државјани беа уапсени во Малезија за ужасен уличен перформанс во кој бебето го држат за нозете, а потоа го лулаат и фрлаат во воздух.

Двојката е сега под истрага за наводно злоупотребување на девојче на возраст од 4 месеци. Родителите на девојчето се во доцните дваесетти години и патуваат низ Јужна Азија како улични музичари.

Видеото од нивниот перформанс стана вирално. Лицето кое го објави на Facebook ова видео го нарече „неодговорно дело што може да предизвика повреди“.

На видеото, човекот го држи бебето само за нозете, а потоа го фрла во воздух и го фаќа.

Полицијата изјави дека за време на апсењето, бебето не било повредено. Некои коментираа дека ова е нешто што често се случува во Русија и дека таквите „вежби“ помагаат во развојот на бебињата. Сепак, повеќето беа запрепастени од видеото.